Екскурзија во Преспа

Црвен крст на Република Северна Македонија Општинска организација Прилеп во рамките на Локалниот акционен план за лица со посебни потреби и деца сместени во згрижувачки семејства реализираше екскурзија при што беа посетени манастирот Св. Илија во село Грнчари и Преспанското езеро. На екскурзијата штитениците од Дневниот центар Ѕуница заедно со волонтерите од Клубот на млади при Црвен крст на Република Северна Македонија Општинска организација Прилеп имаа можност да се запознаат со културно-историското наследство и природните убавини кои ги има во тој регион. Сите овие активности се финансиски поддржани од страна на Комерцијална банка.