Традиционална Петровденска крводарителска акција

Црвен крст на Република Северна Македонија Општинска организација Прилеп продолжува со реализација на годишниот план за крводарителски акции, овој пат на 12.07.2022 година во соработка со ОТМ Прилеп беше реализирана традиционалната крводарителска акција по повод празникот Петровден. Акцијата се реализираше во ресторанот на базенот Маркови Кули од Прилеп и на истата прилепчани уште еднаш ја покажаа својата хуманост и несебичност при тоа дарувајќи 31 единица на крв. Црвен крст на Република Северна Македонија Општинска организација Прилеп со цел мотивирање на крводарителите за сите дарители на акцијата обезбеди скромни подароци.