Работилница во природа

Во рамките на програмата Зелен волонтеризам членовите на Клубот на млади при Црвен крст на Република Северна Македонија Општинска организација Прилеп реализираа работилница од отворен карактер во градскиот парк во Прилеп. Целта на настанот беше промоција на работата на Клубот на млади и регрутација на нови волонтери преку дружба помеѓу младите. Присутните преку практични вежби и дебата на тема „Еколошки предизвици во нашата околина“ имаа можност да споделат свои иницијативи и видувања на темата. Од идеите кои произлегоа за време на работилницата младите во понатамошниот период ќе реализираат активности се со цел промоција на програмата Зелен волонтеризам.