Одбележан Светскиот ден на бубрезите

Црвен крст на Република Северна Македонија Општинска организација Прилеп во соработка со центарот за дијализа Систина Нефроплус во Прилеп го одбележаа Светскиот ден на бубрезите. Централниот настан се одржа во центарот на Прилеп со активности кои беа насочени кон подигнување на здравствената свест за важноста на бубрезите и влијанието на бубрежните заболувања. Волонтери од Клубот на млади при Црвен крст на Република Северна Македонија Општинска организација Прилеп на сите присутни на настанот и случајни минувачи низ центарот на градот им делеа флаери со информации за важноста на бубрезите и здравствените проблеми предизвикани од бубрежните заболувања како и превенција на истите.