Новогодишни подароци

Клубот на млади при Црвен крст на Република Северна Македонија Општинска организација Прилеп во соработка со Интеракт клубот од Гимназијата Мирче Ацев од Прилеп организираа предновогодишна забава за млади која беше од хуманитарен карактер, а при тоа младите имаа можност да се дружат и забавуваат помеѓу себе но и да донираат парични средства за хуманитарни цели. Собраните средства беа наменети за Дневниот центар за лица со посебни потреби Ѕуница за кои на нивно барање им беше купен караоке звучник на кој штитениците од Дневниот центар многу му се израдуваа и искажаа огромна благодарност за новогодишниот подарок. Исто така на сите штитеници од Дневниот центар им беа поделени и новогодишни пакетчиња кои беа обезбедени од анонимен донатор.