Врснички едукации за ХИВ

Волонтери од Клубот на млади при Црвен крст на Република Северна Македонија Општинска организација Прилеп обучени за врснички едукации за ХИВ во изминатиот период реализираа предавања за своите врсници од средните училишта на тема „Превенција и заштита од ХИВ“. На предавањата младите имаа можност да научат нешто ново но и да ги освежат своите знаења во врска со превенцијата од ХИВ инфекцијата. Едукациите имаат за цел да ги поттикнат младите за пренесување на своите знаења на нивните врсници, но и подигање на свеста кај целокупната јавност за значењето од превенција на ХИВ инфекцијата.