Велигденска креативна работилница

По повод Велигденските празници четворица волонтери од Клубот на млади при Црвен крст на Република Северна Македонија Општинска организација Прилеп го посетија Дневниот центар за лица со посебни потреби Ѕуница. Волонтерите заедно со штитениците се дружеа меѓу себе, украсуваа велигденски јајца и изработуваа пролетни украси од гипс. Во текот на целата година Црвен крст на Република Северна Македонија Општинска организација Прилеп преку најразлични активности дава придонес во работата на Дневниот центар и развојот на штитениците од истиот.